TIRANE- Problemi i informalitetit në punë vijon të jetë ende i lartë në sektorin e biznesit privat.<br /><br />Nga rezultatet e kontrolleve më të fundit të Inspektoratit Shtëtëror të Punës, referuar muajve Tetor-Nëntor të vitit 2013, nga 944 subjekte të kontrolluara janë zbuluar 1600 punonjës që zhvillonin aktivitet pa qënë ligjërisht të regjistruar.<br /> <br />Drejtori i ISHP-së, Dritan Ylli, tha gjatë një konference për shtyp se, puna në të zezë vazhdon të jetë mjaft e përhapur edhe në bizneset e regjistruara.<br /><br />Sipas Inspektoriatit, në subjektet e regjistruara si tatimpagues, rreth 19% e punonjësve ishin të padeklaruar. Puna në të zezë iu mohon përfitimet nga sigurimet shoqërore dhe shëndetësore një pjese të konsdierueshme të të punësuarve.<br /><br />Si burim evazioni, informaliteti në tërësi ul të ardhurat në arkën e shtetit, rrit barrën mbi tatimpaguesit e rregullt dhe shtrembëron konkurrencën mes ndërmarrjeve në treg.
